[蘋果日報]
關淑怡離開寶麗金唱片公司後，沉寂了很長時間，和謝絕一切傳媒訪問。
昨日關淑怡的經理人張學潤在肥媽的FanClubParty中透露：「年前新加坡有一間唱片公司力邀Shirley（關之洋名）加盟，出到三千萬簽兩年的唱片合約，雖然價錢好理想，但因為唱片公司本身的創作歌曲方針和Shirley不同，結果大家就傾唔成。」
記者問：「咁，佢有冇打算再出碟呢？」
張學潤：「有o既，現時都有唱片公司傾緊，如果傾得掂，佢會再出碟，不過佢份人都唔急，又無經濟負擔，可以慢慢搵o岩佢o既唱片公司先至出碟都未遲。」
記者：「佢依家有冇拍拖呢？」
少問私人問題
張學潤迴避地說：「呢D係佢o既私人問題，我好少過問，好似我和阿恩（黎瑞恩）咁好朋友，佢都無同我講太多婚事o既野，既然佢唔想講，我地做朋友o既就唔會問，因為佢根本唔想朋友成日同傳媒提佢o既事。」
