東方新地 31.12.2012

都是那些年：關淑怡 別笑我瘋癲 31.12.2012

[蘋果日報]

46歲的關淑怡（Shirley）又一次再戰樂壇，出道時一炮而紅的她，近年卻被失場、神化、飄忽、欠債、未婚生子等傳聞拖累，以前對是非不屑一顧的她，今日卻站出來逐項清算，不滿被標籤為神化、飄忽，慨嘆現實跟幻想世界不同，誓要為自己討回公道！

出 道23年的關淑怡，除了《難得有情人》、《夜迷宮》、《繾綣星光下》等hit歌唱到街知巷聞外，她的失場、神化、飄忽、欠債、未婚生子等是非更是停不了， 問她是否覺得歌路難行？Shirley嘆說：「我喺寶麗金唔係冇付出，每段時間要成長，唔係一炮而紅就得，現實同幻想世界唔同，呢幾年咁多傳言，成日話我 甩底，我甩過邊次先？如果係真，告都告到我癲啦，當初諗住呢行是是非非，未經證實傳完就算，點知越傳越離譜。」

05年Shirley答應 為黃偉文的作品集錄歌卻放飛機，其後傳她玩塔羅牌得啟示不要唱歌，Shirley沒好氣解釋：「係timing問題，當年佢叫我錄歌，大家朋友梗冇問題， 唱首歌唔係難事，但佢一年後先搵我，我已經簽畀李進，我根本唔玩塔羅牌，係唱片公司搵藉口推。」

囝囝帶來希望

自此神 化、飄忽變了Shirley的代名詞，她激氣說：「神化、飄忽定義係乜？呢行處理問題要根據情況取捨，好似日頭着呢件衫，覺得唔好睇換第二套，咁係咪叫飄 忽？其實都係啲好平常事俾人誇張咗，將我神化，啲人又點可以用平常心睇，之前嘅傳言我冇出嚟解釋，但影響我工作，我惟有行出嚟講，有一段時間真係頂唔 到！」

身為單親媽咪的Shirley，獨力養兒並不是易事，她說：「呢幾年我冇出碟，但生活冇問題，之前去澳門、美加開騷，keep住有 工作，我唔係咁活躍，但李克勤、林憶蓮都唔活躍，點解又唔話佢哋失蹤？話我失蹤？又話我欠錢，點解咁講我？」對於未婚生子，Shirley強調：「我有家 人有私生活，唔會通街話畀人知生仔，我唔介意做未婚媽媽，當時我想做媽咪，小朋友係新生命，會帶來希望，自己又唔係細，算高齡產婦，所以決定生。」

做 了媽媽後，Shirley發覺要栽培一個生命，關懷愛護好重要，她說：「我唔使囝囝聽晒我話，畀空間佢發展，佢最似我地方係有自己諗法。」對於曾志偉傳是 兒子生父，不但兒子大叫：「Shut up！」Shirley更哈哈笑說：「My god，梗係唔會啦，志偉係uncle輩，有日佢搵我做《獎門人》，叫我入無綫開會，我唔知架車泊唔泊到入去，志偉叫我去搵埋佢一齊入，佢上咗我車話想試 我手車，點知俾記者跟，同車變同居，好搞笑。」至於另一傳聞指生父是喇嘛？Shirley正經說：「唔好攞呢啲玩，咁神聖！」

不愛回想當年

Shirley 將於明年2月重踏紅館開騷，她笑言：「呢刻未有壓力，精神擺喺製作，其實入行前，自己可以選擇做fashion，因為我唔係咁social嘅人，後來覺得 既然有機會，音樂又畀到我開心，樂壇燦爛時候真係有好多享受，但家樂壇氣氛唔一樣，年紀同心態都唔一樣，我唔係成日都諗番以前，有時光陰過咗就過咗，冇 得追番轉頭。」

攝影：陳志嵐
化妝：Navi Lam
髮型：Calvin Chan of M.i Salon
場地提供：FLY CLUB

關淑怡在寶麗金時期最紅，但她沒留戀過去。

關淑怡視曾志偉為uncle，對傳是囝囝的生父，她視為笑話。 

 着bra top出席朋友生日會的關淑怡，竟被指行為古怪。

 關淑怡與郭富城當年曾在舞台上載歌載舞。

 一出道便走紅，關淑怡曾經攞過多隻金唱片。

Looks of the week - NEXT+ONE #Vol 123 27.12.2012

[壹週刊]

關淑怡詮釋關淑怡 - U magazine 21.12.2012

在時計裏看破一生渺渺 關淑怡 FACE 周刊 291期 19.12.2012

有關關淑怡，印象只限於十多年來從報章雜誌累積回來的道聽途說。於是，一落實訪問，第一時間打給與她合作過的造型師：「幫佢借衫係唔係好麻煩？」趕到現場，又害怕她遲到失場、或者鬧情緒。心情一直七上八落、戰戰兢兢。

事實證明，人云亦云，實在不智。造型師說女主角有禮又合作，訪問當天一連排了五家傳媒，輪到本刊時已經接近黃昏，關淑怡沒有一點不耐煩和禮數不周，換好單薄的衣服、對着大廈玻璃幕牆隨便補了補妝，就聽從指示站在食正風的戶外頂樓餐廳擺起甫士。大風吹來，頭髮亂了、衣角揚起，她也一點沒抱怨，輕輕用手撥開黑髮，嘴角揚起淺淺一笑。
廿零歲女都下下花我個幾鐘專訪時間補粉， 46歲的關淑怡卻望兩眼落地玻璃就能上場拍照；八十後歌星仔聲嘶力竭只會讓人覺得嘈雜，關淑怡輕描淡寫的〈陀飛輪〉，卻聽到很多人含住泡眼淚，這是甚麼道理？
關淑怡叫我別把事情想得太複雜：「做人同唱歌都係一個道理，諗得太多，就唔會唱得好。」



三言•兩語

孤寂、神化、失常、失場，甚至早前在社交網絡的疑似尋死傾向，關淑怡的做法一向是，你有你講、我有我保持沉默。直到一年前落實明年二月的兩場紅館個唱，好友兼經理人 Marriane有心鋪排連串訪問和宣傳，想讓關淑怡自己開腔改變公眾印象。關淑怡聽話開腔了，卻說沒有奢望能改變甚麼。
「公眾人物都係人、都有經歷，係唔係三言兩語、幾份報道就被人理解呢？我唔會奢求人哋明白我。咁多年，個個都叫我出嚟解釋，話唔解釋，人哋就會當真……言論自由，唔係你問我答咁簡單，了解一個人，唔係一個訪問三言兩語就講得清。你哋呢行點運作，我諗你清楚過我。言論自由，傳媒想點寫都得，但唔代表你哋寫咗我，我就一定要答喎。我選擇唔出聲，都係言論自由嘅一種啫。」
02年產子後，關淑怡一共復出三次舉辦演唱會，其他時間一概唔見人，以及被失場失常傳聞包圍。我一坐下來就問，一整天做訪問、內容重複再重複，一定不習慣吧。關淑怡答道：「點會唔慣？咪同以前一樣！」看來又是我想多了，出道 26年，娛樂圈的運行規則，關淑怡怎麼會不明白。經理人 Marriane也解釋，大多數的失場指控，都是有中間人看準關淑怡低調不愛解釋的個性有心抹黑：「我嘅事業係我咁多年努力建立，我又點會自己再一手一腳摧毀佢呢？呢個圈唔係一個人運作，失場唔係我想失就可以失，外間睇我睇得好負面，其實我真係唔係一個咁負面嘅人。」

母親•女兒

86年出道、 90年代攀至事業高峰， 2001年，關淑怡突然因為懷孕與唱片公司解約、從樂壇消失。因此一直有報道指關淑怡的兒子浚賢現年 11歲，關淑怡表示是誤傳：「佢十歲。」據說，這次開唱全力配合宣傳，亦是因為兒子長大，關淑怡不再覺得有必要爭取時間陪在兒子身邊。「好多人問我點解留喺香港，原因其實好簡單，我屋企人全部都喺香港。我平時都同一個普通人一樣，係人哋個媽咪、係人哋個女。想煮時都可以煮幾味……雖然姐姐煮多，但係你問我，我梗係話我煮得更好味。」關淑怡說，對於兒子的期望不大，只想他可以舒舒服服做自己，以及兩母子之間沒有秘密，兒子的身世，對外界是秘密、在家裏則不是：「我覺得適合嘅時候，會講晒畀佢聽。人有唔同階段，冇可能由細到大用一套方法同佢溝通，唔會 work……佢會唔會問（有關爹哋）？……佢又未有呢樣嘢，我諗佢知嘅，佢知道感情事唔係一個人話事，好多嘢都可以影響一段關係，唔係兩個人想一齊就可以一齊。我唔係太依賴個仔，我亦知道佢遲早會長大，會有鍾意嘅人出現，我淨係想佢大個任何嘢都可以同我分享。其實好難，我都唔係嗰種咩都同父母分享嘅女。不過，至少父母唔會擔心我，認識我嘅人，都知道我識得知足、識得照顧自己。懂關淑怡嘅人知道，我雖然唔叻 social、唔叻講嘢，但係我識得照顧自己，我唔係廿幾歲，知自己追求啲乜。」


我不•寂寞

46歲的單親媽媽，追求的是？關淑怡說，並不是一個伴。初出道時，在寶麗金年代與李克勤傳過緋聞， 02年未婚產子，有說孩子生父是她在加拿大認識的圈外人。近十年，則周不時傳出被曾志偉特別照顧。關淑怡說， 02年以後，一直單身。「呢十年，我都係一個人，身邊啲人成日笑我，話我唔出街，機會都會低啲……」我問她有覺得寂寞的時候嗎，一直細細聲慢條斯理的關淑怡提高聲量，用單字回答：「冇！」我再想舉例說明，總遇過觸動神經的場景吧，關淑怡不等我說完，再答一次：「我知你講乜嘢，冇！工作已經日日要見咁多人，點會寂寞？私底下，最好唔好嘈我，畀我一個人好啦！知足常樂，你要覺得夠至得，就好似一杯水，唔好淨係見到冇幾多，應該睇吓你擁有幾多。我廿幾歲已經知，每個人都係一個個體，唔好對別人、唔好對一段關係，存在過多幻想。一個知足常樂嘅人，唔會覺得寂寞，唔應該覺得寂寞，人，真係唔可以太貪……」

寶麗金年代與李克勤、鄭中基傳過緋聞，又曾經有報道指，關淑怡介入過梅艷芳與林國斌的一段情，當事人一概否認。


My life is ok

回想過去 46載人生，關淑怡說，女孩子，每個階段都美好，每個階段都值得回憶：「 My life is ok，除咗，十幾年前冇搵個人去結婚。雖然我冇遇到一個可以結婚嘅人，但我唔比人哋特別，都始終會想要一個家。一個豐盛嘅人生，應該係有事業有家庭、結過婚生過仔，樣樣都經歷吓。冇遇到嗰個可以結婚嘅人，老土啲講，係緣分。」
看着眼前的關淑怡， 46歲，沒有隨身帶鏡沒有厚粉似批盪； 20年如一日，帶着不太白不太整齊的爆牙唱歌開騷，沒有像所有人一樣走去換膚植牙玩漂白；被人抹黑，從來不會報警申寃開記招；迷倒眾生的，僅僅靠聲音，這個圈，還有人能比關淑怡更特別嗎？

關淑怡曾經在演唱會上播出與兒子隔着鐵絲網親吻的照片，甜到漏。

关淑怡 - 难得半杯水 14.12.2012

用一個詞形容關淑怡，可以叫有性格，因為她夠cool；不過，最近更多人可能會說她神神化化。月前突然在網上留言尋死，幸好其後證實只是虛驚一場。
外界對她的揣測有很多，關淑怡自己的說法是「我這個人很簡單。」入行近25年，該經歷的都經歷了，還會遇到不開心事便想輕生嗎？「你用人的角度去想，就會知道答案是甚麼？」她反問。
多得明年二月的紅館演唱會，甚少做訪問的關淑怡終於站出來，多家傳媒輪流等候訪問她。跟她做完訪問，第一個感覺是關淑怡正常到不能再正常，完全沒有他人所指的飄忽。


我沒傷害過人

搞到要在Facebook留言輕生，關淑怡事後的解釋是「食得太多死貓」令她崩潰。亦對，復出歌壇以來，有關她的新聞差不多都是負面的，精神有問題、失場、發癲……她亦甚少出來澄清。
真實的我和被塑造出來的我多少有點出入，我很明白報道的角度要這樣，但當你食死貓食得太多時，為甚麼我要忍受呢？我沒有傷害過人，我做的都是我的本份，我理解有些事純粹製造話題，問題是當這些事影響到工作，而我根本沒做過，我覺得有需要講清楚，表明立場。
關 淑怡說她初入行時已很清楚一件事，就是作為公眾人物，看事情的角度一定要闊，這是基本要求。「面對新聞上的是是非非，我沒有想過逃避，我知道是這一行的特 性，不過去到某個點時，我不會再讓自己忍受，我會出聲，我覺得去到這把年紀要對自己好一點，每個人都應該是這樣。入行時，我已很清楚這行不允許不負責任， 做每件事都要有交代，所以我很不喜歡別人亂寫關於我工作上的事。」


不適合做藝人

1989年憑歌曲《難得有情人》 走紅，當年關淑怡幾乎囊括所有最有前途女新人獎，備受唱片公司力捧的她，同期有寶麗金四小花黎瑞恩、王韾平、湯寶如和劉小慧，她算是一姐，不過在當紅時期 突然退隱，復出後於2001年又忽然消失，未婚產子做單親媽媽，換來我行我素的評價，連她都說自己的性格不適合做藝人。「我不是很喜歡或者很懂得說話的 人，但當我有機會去選擇時，我對自己講，就是不適合才要試，如果不行最多做回老本行（設計），但愈做愈喜歡，愈來愈覺得音樂很有趣。」
關淑怡自言 是個幸運的人，音樂成為她的工作，亦是興趣。「歌手生涯其實不如外界所想的多采多姿，至少我不是。我以前在錄音室的時間比任何一個地方都要多，不過有興 趣、有理想，寓工作於娛樂，這個世界誰不是苦中作樂？」兒子開始長大，她的人生亦步入另一階段，「我不知道將來會如何，不過仍有很多事想做，包括和音樂大 師坂本龍一合作。」說起理想的關淑怡，眼晴充滿亮光。


《春光乍泄》
關淑怡：成唯一一個被剪掉全部戲份女主角
刪減原因：關淑怡與黎耀輝故事已經插不進故事

能夠參演王家衛電影的 明星大多受到眾人的關注，不管這個明星是不是很有名、是不是會演戲。可在這些參演的演員中，有一個人非常特別，她就是關淑怡，之所以説關淑怡特別是因為， 她是唯一一個被王家衛將戲全部剪掉的明星。1997年，關淑怡陪王家衛在布宜諾斯艾利斯度過枯燥漫長的無數日夜，結果卻被剝奪女主角名分，鏡頭也被刪減殆 盡，多年後，為了表達對關淑怡的歉意，關本良的《攝氏零度，春光再現》裏收錄了她的表演，並參加了當年的柏林電影節。至於關淑怡被刪除的原因，王家衛表示剪掉她的戲並不是因為她演得不好，而是因為關於她與黎耀輝的故事已經再也插不進《春光乍泄》中了。

服裝：ZZUE COLLECTION @ I.T
髮型：Calvin Chan @ M.i Salon
化粧：Navi Lam
手錶：Philip Stein
眼鏡：Pucci
場地：如心艾廊酒店
撰文：王寶云
攝影：梁細權

關淑怡麥浚龍跨年代Cult 04.03.2012

 ~ Shirley因我行我素而被封神化天后，但她早已睇化，道行高深！

音樂沒有年齡和性別界限，關淑怡及麥浚龍相差18年，竟出奇地合拍。或許兩人怪味相投，前者被標籤為神化天后，後者被視為另類歌手，但他們懶理外界看法，只因早已由神化轉為睇化，道行出神入化！

近 年麥浚龍（Juno）雖看似不太活躍於幕前，其實他暗地裏計劃多多。對於能與關淑怡（Shirley）「跨年代」合唱《鎖骨》，Juno表示兩人早於五年 前相識，但至最近才正式合作，並不認為是「遲來的合唱」。問到與Shirley合作是否感壓力？他說：「冇喎！同佢產生化學作用，我覺得我哋唔只翻唱大家 嘅歌，應該擁有一首合唱歌，我同佢07年同台演出，今次已經係第二次合作，呢幾年變咗朋友，大家『氣味』相近，都喜歡呢類型曲式。」

對於 Shirley被指言行「神化」，Juno力撐：「佢唔神化，反而我仲神化，我同佢私下溝通，佢好Normal，好記得第一次同佢傾偈，傾到天南地北。」 至於誰的性格較冷酷？他爭住認：「我Cool啲，我哋『臭味相投』。（佢好多負面報道？）我唔睇新聞亦唔會猜度佢，我係Cool同慢熱，好多活動都係一個 人做得到，好似睇書同睇戲。」

揀女愛睇腳

眼前的Juno愈見成熟有品味，雖然與Shirley年齡相差甚遠，但兩人毫無 隔膜，採訪時你一言我一語。問到是否特別欣賞女性的鎖骨，Juno說：「又唔係噃，反而我最鍾意睇女仔隻腳，我覺得女性總有一個部位吸引另一半，呢首歌 （指《鎖骨》）情慾意味好強，對我嚟講，女性着衫感覺仲強烈過全裸。」

除了唱歌外，近年Juno亦專注拍戲，雖然並非部部大收，但亦有好 口碑，對於擔綱的電影被指叫好不叫座？他說：「好電影未必一定賺錢，賺錢嘅戲又未必係好電影，作為投資者，梗係想電影賺錢，但好難衡量電影成功失敗，視乎 投資者點睇，我嘅能力係演同唱，每首歌同電影有佢嘅生命。」

談到日本AV女優蒼井空成功洗底，並往內地發展，曾與蒼井空合作的Juno為她感高興：「我哋間中有聯絡，同佢拍戲時，我知佢係有思想嘅女仔。」

對感情Serious

自 從與混血模特兒女友戴庚玲甩拖後，Juno的感情生活仍未有着落，他說：「其實工作以外，親情、愛情及朋友對我都好重要，感情方面我睇得好 Serious（認真）。近兩年我培養咗個習慣，就係會陪媽媽食晚飯，食飯嗰陣我會熄手機或調校靜音，以前我係唔會咁做，依家變成我嘅生活模式，我要抓緊 自己嘅私生活，因為私生活會令我嘅工作變得更充實。」

後記：聽「龍」歌笑了

鏡頭前的Juno雖然酷到震，但鏡頭後的他相當健談，尤其是談到《耿耿於懷》、《沒有人》和《有人》等屬於他的經典「龍」歌時，更加眉飛色舞，當有人隨意哼起《耿》曲的副歌時，Juno也滿意地笑了！

入行逾廿年的關淑怡（Shirley），憑藉「出神」唱功及前衞形象，早已俘虜樂迷心，但她的私生活更惹人關注，一舉一動向來是話題焦點，其親生子父親的揭秘、獨自煲煙聽歌的「怪行」，均是市民茶餘飯後的熱話。

然 而Shirley「道行」極高，懶理外界的睇法，對於被指為「神化」，她自有其一番個人見解：「神化？睇你點睇啦！啲人覺得我戴住超大嘅耳筒、邊聽歌邊飲 咖啡會奇怪，其實以前（指90年代）都係咁戴啦！我係Hi-Fi友，I really want to relax，嗰個係我嘅Break time，而且得嗰度食得煙！（唔開心？）我只係覺得乜原來咁都叫『神化』？我只會當佢係一個話題。（戒煙？）戒咗話你知，但我Prefer慢慢戒，之前 用過戒煙貼，但唔Work。」

搭盡老中青

撇除所謂「神化」行為，Shirley實力和感染力毋庸置疑，翻唱經典金曲的功力尤為深厚，甚至比原唱者有過之而無不及；此外，她亦是一位「百搭天后」，先後與李克勤、黃耀明、草蜢、謝安琪甚至李香琴都合作過，連她也笑說：「其實我又真係幾百搭！」

最 近Shirley與麥浚龍（Juno）合唱《鎖骨》，擦出意想不到的火花，外界反應理想，兩人雖然相差18載，但無論唱功、感覺及性格上也出奇合拍，毫無 代溝，她更對Juno讚不絕口：「佢表現好好，把聲好Sexy同Charming，大家合作有火花。（同Juno有代溝？）冇喎！溝通唔到點唱歌呀？我同 阿Y（黃偉文）都冇代溝，呢首歌係我近年滿意嘅一首歌，佢畀我同琴姐（李香琴）之前嗰首，更似我做嘅嘢。」

冇放棄樂壇

近 年樂壇處於青黃不接，作為前輩歌手的Shirley則力撐：「我覺得依家樂壇OK喎！Getting better，其實無論男女老幼都好，應該畀番少少信心香港樂壇，我都做過新人，亦畀人踩過，但我冇諗過放棄，Music Never Die，好多人要求執音，但歌手畢竟係人，會有狀態、唔舒服，唱現場時會發台瘟，腦海無啦啦Blank（空白），我認為錯咗唔緊要，人誰無錯？我唔 Mind畀人話甩音，琴都要Tune啦！其實我睇到好多樂迷係Enjoy音樂，多過挑剔音樂。」

對於她與林憶蓮同被指為「Gay Icon」，Shirley欣然接受：「其實好多人都有咁講過，但我又冇特別去諗，That's good，大家一齊玩仲好。我身邊好多Gay朋友，佢哋Open-minded，接受能力好強、又有好多得意Idea、有幽默感，I like that！」

後記：講嘢有Point

不熟悉Shirley的人，會認為她「神化」及難相處；喜歡她的人，則大讚她我行我素有性格。事實上，Shirley予人外冷內熱之感，其實她絕不寡言。採訪當天，Shirley對答詳細兼有Point，甚至會向你吐出心底話，實屬難得！

出位歌姬臣服粉絲

「神化」及「有型」往往一線之差，圈中不乏我行我素歌手，同樣獲得樂迷認同。
范曉萱

有「小魔女」之稱的台灣歌手范曉萱，出道時予人清純感覺，惟往後她紋身紋上癮兼愛釘環，但憑音樂才華受樂迷愛戴。

王菲

「神級天后」王菲言行曲風和衣着打扮，向來別具一格，雖然被亞洲粉絲朝拜多年，但她不稀罕：「我不是偶像，別崇拜我！」型到震！