[東方日報]
曾經在樂壇紅極一時的關淑怡，自01年和台灣BMG解約後，銷聲匿樂壇一段日子，但負面新聞卻不絕於耳，先後傳出她未婚生子、撞邪、被銀行追卡數六萬元、去年密謀復出又被娘家環球唱片公司高層陳少寶潑冷水……然而種種不利消息並沒打沉關淑怡的雄心壯志，最近有消息指出，坐食山崩已有兩年多的關淑怡，雖然屢戰屢敗，但迫於向現實低頭，決定再度全面復出樂壇，計畫明年四月假紅館開演唱會及推出唱片。
據本報收到可靠消息，關淑怡近月密密約見製作人和各大唱片公司，密謀復出，其中藝亞洲有興趣為她搞演唱會，而Music Icon亦邀請關淑怡為「群星向林子祥致敬」大碟演繹一首歌，相信會是她復出樂壇的第一首歌曲；雖然關淑怡前年和BMG因意見不合解約，雙方不歡而散，令當年復出一事慘變爛尾收場，行內人都認為關淑怡情緒化兼難搞，但因關淑怡是唱得之人，在現今樂壇中有自己獨特風格，乃其他歌手不能取替，仍有其市場價值，故依然吸引製作公司為她搞個唱。
不怕再玩失蹤
記者向藝亞洲負責人丘亞葵求證，他承認：「公司計畫明年四月為關淑怡開演唱會，雙方已達成口頭承諾，正在草議合約，大致上冇問題。（行內人都話關淑怡不受控制，怕唔怕佢又玩失蹤？）唔會，佢改變好多，約幾次佢都好準時，個人成熟，希望大家接受番佢。（有傳佢經濟出現問題，復出有冇獅子開大口？）冇，價錢都好合理，佢對唱歌依然好有熱誠，除開演唱會，佢都會再出碟，依家暫構思出一隻演繹別人經典歌曲大碟。」
復出第一首歌
另外關淑怡復出第一首歌、在「群星向林子祥致敬」大碟演繹一曲之事，記者向Music Icon行政總裁黃劍濤求證，他說：「原則上冇問題，關淑怡已經答應，下星期我會詳細再傾。（有冇興趣邀請關淑怡加盟？）暫時未諗，搞好林子祥隻碟先。」。
No comments:
Post a Comment