[太陽]
關淑怡緊張口窒阿倫傍實 久休復出, 關淑怡尋晚同阿倫齊齊出席無线《勁歌金曲》，最近被傳精神恍惚的關淑怡，首度開腔接受訪問，諸事姐梗係第一時間去睇睇，發覺佢精神都唔差，講話仲有紋有路，只係有點緊張同口窒窒。關淑怡接受訪問時，阿倫全程「傍」到實，仲不停插嘴，搞到諸事姐都冇心情再問，但阿倫就話：「關淑怡沿用以前方法去做，咁已經唔Work，因為依家傳媒係會尋根究柢。」
[東方日報]
關淑怡全面復出 阿倫傍實
關淑怡、譚詠麟（阿倫）昨晚出席無线《勁歌金曲》，其中久未露面的關淑怡，一直有傳聞指她精神恍惚，不過昨晚記者所見她精神相當不俗，惟講話時有點緊張口窒窒，而關淑怡接受傳媒訪問時，阿倫竟全程「傍」實，有問必代答，十足十助手一樣，認真搞笑。 關淑怡對於早前有報道，指她以塔羅牌指示不適當理由拒絕黃偉文邀請翻唱《大開眼戒》一事，關淑怡解釋只係時間問題，指當時傾緊唱片公司，她自信與黃偉文十分熟絡，不會因此事而影響雙方友誼，期間阿倫插嘴表示：「係啦係啦，大家關係似兄弟妹咁，況且兩間公司合作真係有好多問題，關淑怡唔知點表達，佢怕愈描愈黑。」 自嘲如新人般 此外，關淑怡透露將全面復出，她自嘲視作新人一樣，大家要多多包涵，而提到近日她成為「狗仔隊」目標時，她表示已經習慣，此時阿陯又插嘴，指「狗仔隊」最緊要唔好騷擾到屋企人。
[蘋果]
關淑怡出山阿倫護花
近日積極準備再戰江湖的關淑怡，昨晚與譚詠麟一起參與《勁歌金曲》直播演出，二人演出前在後台接受訪問時，阿倫更全程擔任關淑怡的護花使者。 不介意被跟蹤 對於有報道指她本答應為黃偉文（Wyman）錄歌，但其後卻反口轉幫譚詠麟，因而惹怒黃偉文一事，關淑怡說：「件事唔係咁，係時間上問題。我識Wyman好耐，大家係好朋友。」 問關淑怡是否已為復出作好準備時，她說：「Yes，我係新人，多謝大家。」再問她對於近日頻頻成為狗仔隊跟蹤對象可感不習慣？關淑怡說：「OK，冇乜慣唔慣。」至於有指她精神恍惚，演唱會說開又不開，關淑怡均未有回應，反而在旁的阿倫則代答：「佢性格係唔去解釋，我已經叫佢放開。」
No comments:
Post a Comment