[明報]
【明報專訊】看着手上的FAX，我忍不住問自己﹕「今夕何夕？」
手上的FAX，是西九龍龍頭商場奧海城 的除夕倒數活動通知，公關朋友們照例在活動通知上以「粗體字」印出出席嘉賓的大名，而這一類與眾同樂活動，當然係歌星明星啦！眼睛一掃藝人名單，「掛頭牌」的兩位歌星都是久違了的名字﹕關淑怡 和陳慧嫻 ，我的雙眼忍不住看一看活動日期，「真係2007年嘅除夕活動？」我心裏問。
Emily敢對着光管講，如此的問題對兩位樂壇前輩並無冒犯之意，我更加可以承認我讀書的年代，兩位都是我的偶像，我喜歡陳慧嫻嘅《跳舞街》，而媽咪就好欣賞關淑怡嘅《難得有情人》，但在2007年最後一天的節目上看見兩位做掛頭牌做嘉賓，真係有少少時空錯亂的感覺，一時間還以為係1997年甚至係1987年嘅除夕倒數，而Emily身邊不少同事亦有相同感覺。
卡士不弱
再睇吓其他嘉賓名單，其實都有不少紅星坐陣，包括來自公仔箱嘅陳豪同廖碧兒 ，仲有Emily在學界時代已甚欣賞嘅謝安琪，以及一大班電視藝員，「卡士」都算OK。其實Emily都好明白公關朋友們的困境，皆因現在個個商場都搞明星活動，搶人情况相當激烈，除夕夜周圍都搞倒數，有明星睇已經好好啦，仲想點先？
No comments:
Post a Comment