關淑怡前晚接受吳君如的電台訪問，罕有大談感情事，並搞笑自爆囝囝關浚賢的「爸爸」就是傳聞所指的曾志偉，頓時令君如啞口無言，並笑說：「你講（口架）咋！」
前晚關淑怡（Shirley）接受電台節目《嘩嘩嘩打到嚟2009》吳君如的訪問，率直的她提到囝囝關浚賢的生父時說：「咪男人一個囉！」又透露對方是比前男友周文健更高大的圈外猛男，由朋友介紹認識，但未曾想過與對方結婚生仔，她坦言懷孕後只考慮會否有能力湊大兒子：「當時覺得BB仔重要啲，冇諗過個男人！」君如再三追問賢仔爸爸的身份時，她即搞笑說：「阿仔老竇咪係曾志偉囉！」令君如狂笑：「嘩！你講㗎咋！」反而Shirley輕鬆回應：「唔緊要！啲記者都係咁寫！」君如表示賢仔與志偉十分相似，Shirley開玩笑說：「細個個高度同肥似囉！」
「孟波」唔畀公開戀情
後來Shirley才認真表示與志偉無關：「當年12月話我失蹤生仔，1月生完仔4月返香港，就話我同志偉同居半年，我聽完已經笑，心諗有冇做功課㗎？我唔解釋係以為世上有智者，原來冇！」君如提議她與兒子驗DNA闢謠，Shirley說：「可以，但係我點解要咁做？」她強調已有八年沒有拍拖，提到前男友周文健時，她只以「孟波」稱呼對方，她說：「唔係我唔認，係佢唔畀，佢話如果我講就分手，因為佢紅緊呀！做女仔都覺得幾委屈。」
訪問中，Shirley透露與唱片公司星娛樂仍未簽約，對於被指麻煩，她強調自己很有要求，直言有要求才是好歌手，強調是個思想開放的人：「如果我認為你有能力，我會放心畀晒你發揮，我平日好理性，主觀情緒只會放喺唱歌度。」
[東方日報]
關淑怡前晚接受吳君如電台節目訪問，直言已八年冇拍拖，提及前男友周文健時，她只叫對方做「孟波」說：「唔係我唔認係佢唔畀，佢話如果我講就分手，因為佢紅緊吖嘛，做女仔都覺得幾委屈。」對於兒子關浚賢的生父，關淑怡只肯透露對方是高大俊男，高過孟波，並與這行業無關。
君如再追問有關「阿仔老竇」時，關淑怡開玩笑謂：「阿仔老竇咪曾志偉囉！」主持的君如及王貽興即起哄說：「你講㗎咋！」關淑怡認為無關痛癢，開玩笑指囝囝兒時的高度和肥嘟嘟身形似志偉，其後才認真說，當年所傳時間與事實不符，不要亂說。
周文健
No comments:
Post a Comment