06年重返樂壇後，關淑怡（ Shirley）先後開過兩次有口碑但無票房的演唱會，並於 07年加盟「星娛樂」做一姐。
近日推出廣東新碟《 Shirley's Era》，但外界反應一般，鍾意玩性格走偏鋒的關淑怡卻將責任全歸咎唱片公司宣傳不力，甚至打電話到各大電台，投訴播放率低，因而觸怒商台的俞琤，一度下封殺令。
包拗頸
關淑怡加盟「星娛樂」後，唱片公司實行一連串力谷計劃，為爭取曝光，先主唱無綫劇集《同事三分親》和《珠光寶氣》主題曲。即使○六年的回歸樂壇的演唱會反應麻麻，公司仍於○八年為她再開兩場演唱會。可是，性格飄忽，經常包拗頸又唔妥協的關淑怡同公司關係始終無改善，更影響到出唱片計劃。
拖足兩年，關淑怡的新碟《 Shirley's Era》終於在今年六月中面世，校正在她和唱片公司兩年合約期屆滿前推出。但唱片推出以來，無聲無息又缺乏宣傳，主打歌《地盡頭》在電台的播放率亦偏低。
相比下，同公司的鄭融近日推出精選碟，電視廣告日日播，宣傳和聲勢，完全兩回事。
自己嚟
相隔十四年再出碟，關淑怡十分緊張，明知唱片公司不會幫她搞宣傳，惟有親自出馬。
「 Shirley自己打電話俾三個電台嘅負責人，叫人播多啲佢嘅新歌，本來無乜問題，不過佢成日打電話去嘈人哋，又話無理由佢首歌上唔到第一位，有次仲嘈到去俞琤度。」知情者說。
Shirley的新歌《地盡頭》早於五月初已派上各大電台，在新城的勁爆榜連續五個星期都榜上有名，而她跟古巨基合唱的《男左女右》亦上榜，不過在商台的播放率則偏低。「梗係啦，個次佢嘈到咁高層，投訴唔播佢首歌，人哋嬲到封殺佢。」知情者說。
雖然，關淑怡同唱片公司合約屆滿，但唱片唔賣，公司始終無着數，有指最終由「星娛樂」出手，將封殺事件擺平，關淑怡的新歌才重現商台。
自作自受
一度在樂壇銷聲匿跡的關淑怡， 06年復出開演唱會並再簽唱片公司，但性格影響命運，三年來事業毫無起色，點谷都冇用。
上週四（六日）下午，邊行邊聽音樂的關淑怡，由愉景灣寓所行到商場餐廳歎茶。
No comments:
Post a Comment