21/3本週日，關淑怡與囝囝在寓所附近的茶座 high tea，其間 Shirley不斷對兒子訓話，囝囝則顯得相當無癮。
落難天后
[壹週刊]
作風飄忽的關淑怡○九年約滿「星娛樂」後，至今仍未泊到新碼頭。加入失業大軍近一年，要擔家又要供書教學的 Shirley零收入，繼早年被入稟追討欠款及卡數後，近日再度捲入錢債風波。
據知，關淑怡半年前已開始四出向身邊朋友撲水，試過向友人開口借五萬，結果有借冇還。屋租、卡數加上保母車費，一身債。
冇人肯要
○六年重返樂壇，關淑怡加盟「星娛樂」做一姐，但一向神化的她卻遲到、玩失蹤、失場樣樣齊，又公開炮轟唱片公司安排不善，結果○九年約滿即被「叮走」，至今仍沒有新唱片公司敢接收飄忽天后。
「係人都知關小姐神化，佢又當正自己巨星，鍾意幾時開工就幾時開工，久唔久玩吓失蹤，佢未滿約嗰時，唱片公司一早就諗住唔要佢啦，啲人個個聽到佢大名都怕，冇人敢簽佢 o架啦！」一名唱片公司中人說。
約滿「星娛樂」，關淑怡即時加入失業大軍，工作量極低的她，大半年才僅接得一個 job。
借錢交租
無着落，但她要養阿媽，又要幫囝囝交學費，坐食山崩經濟再度陷入困境。據知，早於半年前開始，關淑怡已四出向朋友撲水，早前亦向身邊友人一次過借了五萬元交租應急。
「佢之前問個朋友借咗五萬蚊，話要嚟交租，開頭話兩個月內還，最終都冇咗影，佢話佢已經冇錢交租一段時間，仲爭落啲卡數，又欠租車公司三萬幾蚊都未找！」知情者說。
債主中包括與關淑怡共事多年的「健哥」，對於借錢一事，他直認不諱。
「（ Shirley借咗你錢？）係！（借咗幾多？）幾萬蚊囉！（佢有冇話幾時還？）佢冇錢都冇辦法 o架！同佢識咗咁多年，佢唔會係唔還錢嗰類人，有就會還 o架啦！但佢呢排真係冇嘢做嘛，一個女人帶住個仔，好慘 o架！」
茶座教仔
週日（三月二十一日），穿着黑色小背心，素顏的關淑怡與囝囝關浚賢現身位於愉景灣寓所附近的露天茶座，其間她一邊抽煙，一邊以英語向囝囝訓話，但囝囝似乎當佢唱歌，未有理會。兩母子與友人於茶座無無聊聊磨了近三粒鐘，於傍晚六點才離開。
癲喪實錄
多年以來，有關關淑怡的新聞離不開「飄忽」、「神化」等形容詞，由於行為怪異，即使唱得一樣冇唱片公司敢沾手。
97年
關淑怡於香港佛教聯合會的祈福大會中突然發難，拒絕記者進場採訪，氣氛尷尬
01年
正準備推出廣東碟的關淑怡，於製作期間玩失蹤，直至 02年她主動跟 BMG提出解約，新碟爛尾收場。
02年
行為怪異的關淑怡被指經常駕車於香港東、西區和機場兜圈，又愛在酒店呆坐數小時
05年
答應為黃偉文錄歌，但突然人間蒸發，事後她解釋「塔羅牌叫我唔好唱」。
06年
有傳關淑怡借助藥物減壓，故經常失魂落魄，又被拍到在咖啡室內點煙，齋燒唔食閉目半小時。
08年
於復出演唱會中，失驚無神跨欄，直闖觀眾位唱歌，又經常走錯位，令現場工作人員嚇餐死。
No comments:
Post a Comment