愛心爆棚的黃家強日前順利完成非洲探訪之旅，昨日出席活動時，急不及待宣布六月六日假Star Hall舉行一場慈善音樂會，為當地興建校園籌募善款，大會更邀得張學友及關淑怡擔任演出嘉賓。家強透露屆時會播出探訪片段，藉此感動大家捐錢，更即場呼籲大家鼎力支持。
歌手不收酬勞
家強表示三位演出歌手不收酬勞，問到擔不擔心關淑怡臨時甩底？他說：「唔會，佢對於做慈善同做小朋友嘢好出心，大家唔使擔心，唔好諗到佢咁。（有傳佢好飄忽？）藝術家。」家強表示與對方非常友好，不時邀對方任個唱嘉賓。問到有否向對方請教湊仔心得？家強說：「有，佢個仔大過我個仔。」
討厭爭名逐利
家強透露關淑怡原本有意一齊往非洲探訪：「佢囝囝冇人照顧，所以佢冇去。」問到為何不帶同三歲大的囝囝黃慶陽同行？家強說：「遲啲先，我返嚟都有畀當地啲片佢睇，同佢講啲小朋友生活好艱辛，畀佢知道自己好幸福。」家強坦言經過多次探訪，令他放下貪念，他說：「對爭名逐利嘅人好討厭。」
關淑怡本來有意與家強一起往非洲探訪。（資料圖片）
No comments:
Post a Comment