關淑怡唔認李佳念係男友：冇話過佢係喎 25.11.2015

[on.cc]

歌手關淑怡（Shirley）、顧芮寧與「二胡王子」王憓出席《感覺‧國樂》中西薈萃音樂國度發布會，王憓即場送了二胡給Shirley和字畫給顧芮寧。

將歌曲重新改編
接受訪問時，Shirley透露對上一次開騷是年多前，今次是首次跟中樂合作，並會將歌曲全部重新改編，所以感覺都很有趣。提到綵排，Shirley說：「未開始，有啲拍咗先知，應該都OK！」問到她男友（李佳念）可會來撐場時，她即瞪大雙眼兼搖頭說：「邊個係我男朋友？（上次你拖住嗰個？）冇話過佢係喎，朋友嚟㗎！（咁仔仔會唔會嚟睇？）我做嘢還做嘢。」

續跟經理人王敏慧合作
至於談到早前Shirley再社交網站上怒斥工作上遭不公平對待一事，她表示：「OK啦，冇事啦，冇乜嘢。」問到她可有繼續跟經理人Marianne（王敏慧）合作時，她指仍然繼續跟對方合作，而且兩人都認識多年。

避談私人事
對於早前曾話過要回美國，Shirley就直言：「私人嘢，係兩件事，同工作冇關。（會返美國定居？）私人嘢，太私人喇。（有咁嘅打算？）唔講。（想退出樂壇？）未知，唔知呢啲將來嘅嘢冇人知。（對於媽咪離開心情好番啲？）冇乜嘢心情唔好，好私人嘅嘢。」

 關淑怡話李佳念唔係佢男友，係朋友嚟㗎！

 關淑怡透露今次是首次跟中樂合作開騷。

 關淑怡表示會將歌曲全部重新改編，所以感覺都很有趣。

 王憓即場送了二胡給Shirley和字畫給顧芮寧（左）。

關淑怡（右）留心聽顧芮寧講話。 

關淑怡指仍然繼續跟經理人Marianne（王敏慧）合作。 

顧芮寧（後排左四）、王憓（後排左五）、關淑怡（後排左六）、創作總監及監製Bolie Wong（前排右二）

---

關淑怡拒答是否想退出樂壇
[頭條日報]

關淑怡(Shirley)、王憓及顧芮寧宣傳將於12月之音樂會見傳媒，Shirley當然被問有關遭助手辱罵，有意退出樂壇之說。

Shirley坦言：「(助手)有合作也有見面，因為雙方認識已久。(之前因與你爭拗？)私人事與工作是兩回事，絕對是私人事，工作還工作，做事還做事。(是否美國定居？)很私人的問題。(有這打算嗎？)不講。(之前說因不開心想退出樂壇，現在會繼續嗎？)未知，將來的事怎會知。」

 Shirley唔講是否美國定居。

顧芮寧、王憓、關淑怡

---

拒談私人問題  關淑怡與經理人繼續合作：做嘢還做嘢
[蘋果日報]

關淑怡今日出席音樂會記招，並指已與經理人Marianne及助手的爭拗只是私人事，唔影響工作。

關淑怡（Shirley）、顧苪寧同「二胡王子」王憓將於下月27日，假文化中心舉行「感覺。國樂」中西薈萃音樂國度，今日佢哋喺中環出席記者會，席上王憓向關淑怡送上珍藏二胡，關淑怡亦以自己黑膠唱片作相贈。已有年幾冇公開演出嘅關淑怡，佢透露首次同中樂合作，更指自己歌曲改篇並加插中樂入去會好有趣。

對於舊年CASH周年晚宴暨金帆音樂頒獎典禮當晚，關淑怡高調兼風騷拖男友出席，問到男友會唔會睇佢做騷？關淑怡話：「有男友咩？我冇話過佢係，你哋話咋喎。」冇發展？關淑怡繼續表示：「冇，係朋友。」囝囝先係男朋友？關淑怡就話：「係呀，撇唔甩呢個。」

講到關淑怡之前喺Instagram指被助手當眾辱罵，更貼文指經理人Marianne偏袒助手，仲話如果問題唔解決，會退出歌壇返美國，關淑怡今日表示同助手OK，冇乜特別，而且同Marianne都繼續有見有合作，因為大家都相識好耐。

再提到之前嘅爭拗，關淑怡話：「呢樣嘢係好私人嘢，係兩回事，同工作冇關，絕對係私人嘢，工作還工作，做嘢還做嘢。」

有冇計劃返美國定居？佢話：「呢樣好私人。（有冇打算？）唔講。」之前有傳佢退出，但0依家係咪會繼續？佢表示：「未知，將來嘅嘢未做，0依家就做呢個（音樂會）。」此外，問到佢心情如何？有冇受媽媽早前離世而影響？佢只係話：「呢啲係好私人問題。」

關淑怡喺記招上一提到私人嘢就嗌唔答。

顧苪寧（左）將與關淑怡合作開騷。