歌手黎瑞恩（小恩子）以投資者及嘉賓身份出席林敏驄（阿驄）紅館舉行的作品展，穿藍色連身裙的小恩子獲阿驄拖上台，並以女神稱呼她，小恩子搞笑說：「我唔係（女神）所以扮吓。」之後兩人表示今晚演出順利，阿驄笑說：「佢搞製作公司第一次就咁，不過冇事、冇事。」
阿驄介紹嘉賓糖妹出場時笑指請不到陳慧嫻，以連身短裙襯上五吋高踭鞋上台與十名舞蹈員邊唱邊跳「變變變」及「跳舞街」，而昨晚凸腩示人的關淑怡即換上鬆身衫遮肚腩，並一口氣唱出串燒歌，關淑怡說：「好榮幸可以參加。」從台下行上台的阿驄抵死說：「咁快可以收到肚？妳冇事嘛？」關淑怡說：「有你支持冇嘢。」阿驄即叫觀眾拍掌鼓勵：「畀啲正能量。」關淑怡大讚阿驄說：「一直好欣賞你，只係冇機會講。」搞笑的阿驄問對方是否表白：「妳有幾件仔？」關淑怡否認說：「我得一件，唔使多。」阿驄又笑對方說：「唱好啲、好快過㗎喇。」晚上11點10分關淑怡離開紅館，見到佢心情唔錯，同兩位歌迷影相同簽名，仲同其中一位歌迷擁抱。當記者叫停Shirley做訪問同問到心情如何，佢就立即登上白色七人車離開。
No comments:
Post a Comment