歌手關淑怡（Shirley）到電台宣傳演唱會，講到演唱會籌備進度，她表示已差不多選好歌，講到歌衫，她就謂未開始揀，但透露：「會有一、兩套特別，但今次就想輕便少少，唔想太累贅。（會唔會性感？）點樣為之性感？（好似演唱會海報咁性感？）唔會。」講到嘉賓，她則謂商討中，心目中已有人選，但就保持神秘不透露，只講有些是大家猜到，有些是大家猜不到。問到今次演唱會有甚麼特色？她表示：「演唱會流程好重要，因為佢可以帶動到成件事，所以我唔會特別講咩地方有咩，想大家入場嚟睇，同埋有啲嘢都唔可以好具體咁講，因為係一整體嘅嘢。」講到演唱會暫只開一場，問到可會加場？她表示暫未收到任何消息：「但我冇乜所謂。（你可能唔夠喉嘛。）我冇所謂，如果大家鍾意唱多一場都冇所謂。」
接受唔有肥肉
問到可有為演唱會keep fit？她表示：「有呀，之前身體虛弱少少，所以都要時間休息，休息完依家就要train番體魄，對唱歌嚟講，體能好緊要，因為直接影響表現，所以喺影poster前已開始train番，我依家都有做gym、行山、on diet，只食中午嗰餐，夜晚唔食，戒澱粉質。（食咁少嘢唔夠力唱歌？）唔會。（依家有成效？）要keep住做，唔係即刻。（目標減幾多磅？）冇諗磅數，係線條所有嘢firm番，接受唔到（肥肉）。（想操馬甲線？）唔易train，個人健康重要啲。（你之前好肥咩？）面冇咁覺，個身覺啲。」問到可有與仔仔一起做運動？
她避談只謂自己是個professional trainer。
聞麥當娜例遲no comment
講到國際巨星麥當娜努力操弗開騷，Shirley表示：「佢犀利好多。（佢今晚開騷去唔去睇？）唔會。（有冇聽佢啲歌？）有，我曾經係佢fans，但依家就聽唔同種類嘅歌，但佢都係我幾欣賞嘅歌手。（佢開騷例遲？）我有聽講，但我no comment，就算係，我都只係後輩，相信作為歌迷，見到佢已係開心嘅事，始終佢未嚟過香港（開騷）。」
關淑怡想操番線條，所以一日淨係食中午一餐！
不過冇咩諗住操馬甲線，只想成身firm啲！
問到有咩嘉賓，佢就話有啲大家估到有啲估唔到！
講到麥當娜今晚開騷，Shirley話就算遲開騷，但歌迷見到偶像都會開心嘅！
關淑怡學娜姐操肌開騷
[星島日報]
關淑怡為四月的演唱會而節食操肌。
關淑怡（Shirley）昨日到商台宣傳4月27日舉行的紅館演唱會，並透露已差不多揀完歌，舞台服裝則以輕便為主。問到會否跟演唱會海報一樣性感？她坦言：「不會啦！嘉賓方面都有驚喜，但要保密。（想加場？）如果大家喜歡，唱多場也沒所謂。」
Shirley為了演唱會操練體能，並謂：「體能會直接影響表現，好重要！我有做gym同行山，亦要節食，而家每天只食午餐，夜晚唔食，還要全面戒澱粉質，希望綫條再緊緻一點，不能接受自己有贅肉。」問到會否希望操出馬甲綫？她坦言這樣要求太高，自己以健康為先，謙稱肌肉方面一定不及麥當娜。
雖然她曾是娜姐歌迷，但Shirley表示今次沒機會欣賞其香港演唱會。記者笑指娜姐開騷例遲，她笑道：「我是後輩，不予置評，作為歌迷能看到她真人也開心。」
No comments:
Post a Comment