關淑怡（Shirley）說，她是個表達能力不太好的人。
的而且確，整個訪問，她不是詞不達意，就是說話太直接。
例如問到她在四月底舉行的廿五周年個唱「The Best of Shirley Kwan 25 Live」中，是否如之前的報道所說，性感冇底線，她會突然大笑起來，指着同行的宣傳同事說：「呢樣嘢係佢哋要求我咁講o架，哈哈。」其時只見眾人表情詫異。
又例如，問到她可會有甚麼較突破的形象在演唱會出現，她又會忽然一臉認真地說：「我諗，我想做番不嬲嘅自己。」
要是談話內容涉及到她的私生活，她更會即時板起臉：「呢啲嘢太私人，唔講，我唔會答。」
然後我想起了，她這幾年來都愛在社交網抒發個人感受，一時會自爆十三歲兒子關浚賢的生父是寧波車；一時又稱自己不受尊重，被助手辱罵，要退出樂壇；轉個頭，甚至揚言要自殺……。
像Shirley這樣的一個藝人，在所難免會被外界標籤為情緒飄忽，但她卻沒有所謂。「有啲嘢叫做基本性格，好慘o架，冇得改，哈哈哈！咁多年嚟，我都係 have my own way，you know，我咁樣冇話好定唔好，但如果我成個變晒，就唔係我啦，係咪？」
係嘅，係嘅。
我的私隱
自從關淑怡十三年前誕下兒子關浚賢後，她的囝囝和誰是囝囝父親，都是外界最感興趣的事。「I don't know，it could be。」她聳聳肩，一臉不在乎。「佢哋（傳媒）一定會問o架！但係我唔會答，我唔會去解釋啲乜嘢囉！well，this is the problem that外面有好多好多揣測，有好多唔係淨係關於我嘅話題，係the whole thing，我自己聽都聽唔少！」
「you know，我都有我自己嘅生活，everybody has 私隱，come on，even記者本身都有啦！that's part of the life！我覺得做嘢始終都係做嘢，我不嬲都係，由舊公司（寶麗金）開始都係，我唔會講男女感情，我唔會講我屋企嘢，工作上你問我乜嘢都得，other than that？NO！你問我，我都唔會答！如果你同我講乜嘢知情權，大家知道我呢啲嘢，對個社會都冇貢獻o架，係咪先？其實○六年（暫休復出）到o依家，我覺得，you know，大家要傾嘅、要問嘅、要講嘅，呢十年我都已經傾晒、講晒、問晒o架啦！」
OK，不談兒子、不談他的父親吧，那問候一下，去年母親過身後，至今心情如何，又可以嗎？「呢啲太私人啦！」她即時落閘。「大家知道就OK，and then關心嘅，我會感恩。但係我唔需要講（個人感受）出嚟囉！I don't want to use my family for 宣傳我個演唱會，我覺得大家唔需要問我呢啲嘢，because instagram已經post晒出嚟，呢啲嘢（親人離世），please leave me alone for a while，don't ask！」
我有底線
對外界和傳媒，她很有堅持；就是在工作上各方面，她亦有她的底線。
對此，她忽然想起去年底跟中樂團合作的演唱會說：「我覺得上次呢個演唱會，有好多嘢大家都可以舒服啲，you know，我真係想做番不嬲嘅自己！大家都知道我唔係個講嘢好叻嘅人，唔係好識表達，所以嗰個演唱會，我有啲嘢真係唔係好想去表達，唔係我選擇嘅嘢，我諗我唔……（皺皺眉頭，努力地想出適當字眼，但失敗）you know，總之我都已經配合咗好多嘢。
「所以我o依家好想做番我自己，搵番自己嘅底線。好彩身邊嘅人，都好清楚我嘅底線嘅。有啲嘢，我覺得我可以open up畀佢哋去選擇，但有啲嘢我會keep番畀我自己。」
例如四月廿五周年演唱會海報上的性感形象？「其實嗰張poster，我哋影咗五套衫，o依家poster呢套係最後一套，結果我哋team人揀咗呢張相，OK，fine，我咪順從佢哋想要嘅feel囉。you know，有時做artiste嘅係要有自己嘅意見，但係有時都要畀啲空間人哋，咁佢哋覺得廿五周年嘅poster應該要比較搶眼啲嘅，咪揀呢張囉！
「可能有啲人睇咗poster，會以為我個演唱會都係有呢個approach，但其實到時我係唔會太（性感）嗰隻。性感都有好多種o架嘛，唔一定係how you dress，或者多布少布，you know？」
