歌手關淑怡（Shirley）接受電台訪問，講到她1986年參加新秀，她笑言當時參賽並沒有想過做歌手：「只係想攞經驗，想試吓點解啲人唱歌唔驚，嗰陣好單純，以我咁內斂嘅性格，冇諗過做歌手，我嗰陣係最後一個遞表，仲要喺門口徘徊咗成粒鐘。」
講到她下月將舉行入行25年演唱會，問到演唱會後有甚麼計劃？她表示其實一直都想學歌曲arrangement：「但將來會點冇人知，我唔會限制自己，聽日係點唔會知，所以不如行動好過。」另外，問到她平時會練聲多久？她表示：「好少，以前可能我要唱足成粒鐘先開到聲，但依家可能係一首歌。（點養聲？）少講嘢，講嘢唔好咁用力，所以可能咁樣大家先會覺得我冇乜嘢講。」
關淑怡話所有事行動最實際
No comments:
Post a Comment