天后關淑怡（Shirley）為本月23日假紅館舉行的《The Best of Shirley Kwan 25 live關淑怡演唱會》排舞，期間她更像女皇一樣，獲多位不同國籍的男Dancers抬高！
受訪時，Shirley表示自己消瘦了，但沒有磅過輕了多少磅。問到是否滿意現時的身形？她說：「OK喇，唔會再減，都需要體力，依家每日下晝開始排舞。（有冇高難度啲嘅動作？）點高法？打筋斗？咁要考慮吓。」之後她更反問有否保險。再問是否未騷晒辣身舞的部分？她故作神秘說：「唔會畀你睇晒，你明嘅，秘密武器吖嘛！」
透露會再出新歌
提到有傳這次演唱會將是她的告別演出，明年她將陪兒子到美國升學兼移居當地生活，Shirley說：「唔係呀，讀書係啱嘅，但其餘嗰啲唔係。（定居美國？）係咪定居你哋就唔再追我？如果少啲是非嘅話定落嚟都冇所謂。（有計劃？）佢去讀書就一定㗎喇，預咗，其他我冇講過，解釋咗。」她又指之後應該會有新歌，歌迷應該能繼續看到自己。
唔想仔仔做MaMa Boy
至於可有想過退休？她指要視乎歌迷們的意願，又謂自己會繼續唱：「唱歌都係唱畀人聽㗎嘛。」提到兒子明年到美國讀書，Shirley指自己應該會留港居住。問到屆時可會掛念對方？她說：「Just like其餘啲parents一樣之嘛。（可能佢想你留？）我諗唔會啩，希望唔會，我唔想佢做MaMa Boy，寧願佢獨立少少。（佢本身獨立？）我覺得佢呢段時間獨立係最好。」
冇理個唱銷情
講到城市售票網因系統故障，令其個唱門票只剩單丁位，很多歌迷都未能買飛，Shirley指剛從經理人口中得知：「全部單位，冇雙位，但我自己冇理。（因為咁影響銷情？）我咩都冇聽過，不過有個咁嘅情況都冇辦法，我淨係concentrate喺表演度，that's all。」
關淑怡積極為個唱排練…
關淑怡與唔同國籍嘅男Dancers排舞！
男Dancers仲會抬高關淑怡添…
十足十女皇一樣呀！
Pose～
型到爆！
好用心！
關淑怡透露會再出新歌，歌迷仲會見到自己。
關淑怡話唔想仔仔做MaMa boy！
關淑怡
大合照～
關淑怡（Shirley）為本月23日假紅館舉行嘅演唱會排舞。
關淑怡誓言繼續唱
[星島日報]
關淑怡積極為演唱會綵排。
關淑怡昨日為演唱會綵排，揚言正式演出時還有秘密武器。有報道指她為陪兒子讀書將定居美國，今次是其告別演唱會，她承認兒子會出國讀書，其他報道則並非事實，反問是否定居美國便不會再被追訪，若然少一點是非，定居當地也無壞。她直言不想兒子變「Mama's boy」，這段時間開始學習獨立是最好。
關淑怡坦言引退問題要看其他人，粉絲不想她退出，自己亦會繼續唱。對於之前傳出門票銷情不理想，她表示一直專注表演方面，沒理會售票情況。
No comments:
Post a Comment