[都市日報]
撰文：Emily Tsui
攝影：Alvin Luk
髮型：Calvin Chan @ M.i Salon
化妝：Naxi Lam
服裝：Rick Owens
金錶：Philip Stein
場地：如心艾朗酒店
喜 歡關淑儀（Shirley）的人，會覺得她別樹一格；不喜歡她的人，卻往往覺得她神神化化。被人形容為性格飄忽，她只淡淡然說句：「你覺得我神化，其實只 係你捉唔到我路。」同樣地，面對別人的閒言閒語，她寧願「硬食死貓」也不為自己討回公道：「其實我可以企出來澄清，但我唔會隨意改變自己囉！」喜歡關淑 怡，就是喜歡她忠於自己。
「I want to live a life！」
繼4 年前的《Unexpected Shirley Kwan In Concert》後，Shirley將於明年再次踏上紅館開個唱，近日她還翻唱了陳奕迅的金曲《陀飛輪》，成為全城熱話。自出道以來，Shirley曾經 斷斷續續數度暫休，今次既開個唱又翻唱舊歌，就被視為是全面復出。不過，她就說自己根本沒有退隱過，只是當時發生了突如其來的事情，令她想暫時放下歌手身 份，享受不同的人生而已。「我從來無話過要退出，諗都無諗過，休息只係因為生命中突然有好多變化。爺爺過世後，係我一個心路歷程好重要的開始。」
Shirley 續道：「那時我覺得自己來來去去都係見同一班人，做同一類工作，發覺好多事原來已經做過。所以好想去其他地方生活，試吓做個平凡人，I want to live a life !」 作為一個歌手，Shirley認為若沒有一定的經歷，不可能唱出歌曲當中的感情。她說：「好多人只係注重外在的東西，其實係無辦法搵到自己。只有經歷某些 事情，你先可以搵到真正的自己。」
食過太多「死貓」
Shirley 自言近年雖然在事業上未有顯著的成績，但這10年卻成為了她人生中經歷最多的時刻，令她逐漸學會放下別人對她的看法。「其實之前一直都好少公開露面工作， 但外間對我的各種傳聞就多到數唔完。其實我可以出嚟澄清，但我唔會隨意改變自己囉。實在食過太多死貓，一言難盡，有時根本件事唔係咁，甚至係無發生過。曾 經試過頂唔順，試過崩潰，但就係嬲完之後，突然覺得自己好傻，我做咩要咁嬲呢？」
經歷多了，Shirley也漸漸看透了，自此之後不再為閒言閒語 而憤怒和煩惱，因她已學懂放低自己的身份，視自己為一個普通人。「當你仲係十八廿二時， 梗係會覺得所有事情都係自己掌握得到，但係現在我可以話你知，唔係樣樣東西你都可以控制到。其他人講咩諗咩，你無可能控制同改變，唯一可以改變的，就係你 自己對這些事情的看法 。」
女人應有好歸宿
早在1995年，Shirley便舉行了首個個人演唱會，同年更獲得叱咤女歌手銀獎。 正當歌唱事業步入高峰時，她卻與寶麗金唱片公司約滿，並開始甚少露面。直到2001年，她再度推出大碟，正正就在簽了新公司時，她突然發現自己懷了孕。 Shirley坦言這實在是她意料之外的事：「當時真係無諗過，如果一早知道就唔會簽唱片公司。」由於Shirley 懷孕時已是35歲，當時各界人士都對她諸多評論，她自言盼望得到別人的尊重。「生小朋友係我自己的選擇， 我覺得其他人應該要尊重我決定，其實唔係淨係我，就算係任何一位女士都應該受到尊重。」
Shirley的外表，一向予人剛強的感覺，但說到愛情 時，她就鮮有地展露了柔情的一面，連她自己也覺得出人意表。「無論再叻再堅強的女仔，都應該要搵到一個適合自己的男人。我在愛情方面可以好開放，但同時又 覺得女人要有個好歸宿，先叫做擁有一個圓滿的生活。或者我下年就嫁人呢！哈哈！ Who knows？」
愛子心切
自從「升呢」做了媽媽後，Shirley的人生又開始了一個新的心路歷程。她表示要做一個好媽媽，首先就要懂得和兒子溝通，要多花時間和他相處，而最重要的，就是要給他一個溫暖的家。即使Shirley到現在還未婚，但兒子接收到的愛，卻從不比其他孩子少。
「我係冇結婚，但我同我父母一樣可以畀到足夠的家庭溫暖佢，有段時間直情係過分愛護佢，要經常在他身邊 。到佢而家大個了， 終於開始feel free， 可以投入自己的工作。」
藝 人的子女，往往都成為傳媒的追訪對象，Shirley 的兒子也不例外。她很明白這是傳媒的工作需要，但希望記者能考慮到他只是個小孩子，不要剝削他在正常生活環境下成長的權利。「一個健康文明的社會，係唔應 該剝削小朋友的權利 ，即使佢只係小朋友，都有權去say no !」
兒子出世以來，Shirley都沒有公開過他的身份，這是因為她一直堅持要尊重兒子的選擇權。
「佢18歲之前，我係絕對唔會公開佢身份，18 歲之後點樣，就等佢自己揀啦！做我個仔已經無得揀，其他選擇權更加好應該留畀佢自己。」
No comments:
Post a Comment