馮仁昭四圍超: 關淑怡囝囝接受冇爸 21.12.2012

[蘋果日報]

關淑怡十年前誕下囝囝關俊賢後，一直都冇透露囝囝生父是誰，噚日佢接受商台錄音訪問，被問到囝囝有冇問過點解冇爸爸？佢話：「佢好早就知冇去問，兼且我屋 企又可以平衡到佢，所以佢唔會刻意問太多。」談到囝囝知唔知佢嘅歌手身份？關淑怡話喺囝囝面前，佢嘅唯一身份係媽媽，完全唔會以歌手身份相處，平日同囝囝 都盡量低調生活。對於當年突然暫別樂壇，關淑怡話純粹私人理由，兼且覺得歌手要吸收人生經歷，先可以將歌唱得更好。