Friday, July 19, 2002

關淑怡拒回應撞邪傳聞 18.07.2002

[壹周刊#645]

上星期四(十一日)下午五點鐘,八珍係銅鑼灣「One 2 Free」外面,撞到出完國語碟後又唔玩既關淑怡,同埋一個大熱天時仲著西裝外套既男士,一齊去揀手提電話。

關淑怡身材一向有番咁上下,個日佢唔戴bra著住貼身吊帶黑色背心周街走,自然引黎唔少途人包括八珍既目光,就連企係門口既店員哥哥都忍唔住昅到實一實。

話說二人係店內不停睇手提電話,但睇左45分鐘依然冇個岩睇。離開時關淑怡同朋友講bye bye後一個人行去怡東酒店停車場,羅番佢架Audi跑車絕塵而去。

話時話,成日一個人坐coffee shop既關淑怡,今次肯約下朋友出街總算有突破,事關有二五話早輪同佢通過電話,問佢東就答西,完全唔知佢講乜,又唔肯出黎見人,又話自己好忙乜乜物物,搞到佢D friend擔心到心都實埋,講真,咁後生又真係嘥左既。



關淑怡拒回應撞邪傳聞
[蘋果日報]

關淑怡和薛家燕(好姨)前晚分別在中環蘭桂坊Kee Club出現,關淑怡約在晚上十一時離開,她穿上tube top及牛仔褲,外加一件披肩,當記者問她準備到哪時,關淑怡說:「我去羅車。」早前有傳關淑怡撞邪,故此行為有些不正常,問她可有此事,關淑怡說:「我唔會答你!」說罷便急步離開。

好姨年尾登台

而好姨早在十時許便離開,她說:「我同朋友食飯,傾《皆大歡喜》登台,但地點就因為未落實所以唔講得住,時間應該係聖誕節檔期。」

Sunday, July 7, 2002

關淑怡深夜偕老友唱卡拉OK 06.07.2002

[東方日報]

關淑怡(Shirley)近年的行徑被指神神化化,一時傳她扮大肚以逃避做唱片宣傳,一時又傳她呆在咖啡室幾小時煲煙喃喃自語,甚至傳出她撞邪。

昨日凌晨關淑怡偕同一班友人在銅鑼灣出現,據知是去唱卡拉OK,現場所見她精神不俗,身材苗條,亦沒有抗拒記者的拍攝鏡頭。

昨日凌晨二時多,關淑怡與徐濠縈等一班友人在銅鑼灣皇室堡出現,據知他們剛唱完卡拉OK,徐濠縈說:「一班朋友唱K。」之後眾人分批離去,關淑怡則與英皇高層Alex Fung一齊乘車離開。

記者後來聯絡Alex,他開玩笑問:「唔係傳我同Shirley姊弟戀呀?影得我靚唔靚仔先?我地成班人去唱K,之後咪同Shirley去食野囉。(佢最近生活點?)冇野,好開心呀。(聽聞佢自己都籌備緊出碟,努力咁寫緊歌?)好似係,但我唔係咁清楚。」