Friday, December 19, 2003

關淑怡明年個唱一鎚定音 18.12.2003

[東方日報]

昨日有報道指關淑怡(Shirley)明年四月復出的紅館演唱會,因情緒不穩而有可能胎死腹中。昨日記者聯絡上演唱會主辦單位藝亞洲負責人丘亞葵,他表示:「Shirley睇到報道好嬲呀,我諗佢得罪人,先有咁傳言傳出,佢個演唱會明年一定開得成,不過我就唔可以講係邊個期,因為申請紅館個期要一年前,所以我而家要問其他人借檔期囉,(Shirley情緒點呀?)好好,冇問題,我上個禮拜先同佢酒店飲,(佢會簽邊間唱片公司?)未知,可能會同我新開唱片部合作。」

Thursday, December 18, 2003

行蹤飄忽 開會冇影 關淑怡重生演唱會面臨難產 17.12.2003

[太陽報]

年初揚言要在明年四月復出,並舉行演唱會的關淑怡,雖然狀態大勇,但據知向來情緒不穩的關淑怡,故態復萌,並表示對開騷還未作好準備,每次開會,關淑怡連影都冇,令她在樂壇重新開始的復出演唱會,隨時胎死腹中!

早前落實明年四月舉行演唱會的關淑怡(Shirley),一直表現積極,據知,為了準備這個被她喻為重生的演唱會,已離開娛樂圈近兩年的她,這段時間不停跟製作人開會,希望以最佳狀態重返樂壇。十月時,Shirley曾相約主辦的恆藝亞洲負責人丘亞葵(Vigo),在中環酒店密斟個多小時,狀態大勇的Shirley,當時更穿上迷你裙赴會,但對於舉行演唱會一事,她卻表示:「唔可以講住。」

臨時甩底黃耀明十月騷

但最近有消息傳出,本來對復出滿腔熱誠的Shirley,近日突然情緒不穩,十月底,她本來答應出席好友黃耀明演唱會,作為重生個唱熱身,卻故態復萌,臨時甩底;但最近她連個唱會議亦未有露面,令主辦單位很擔心,有份協辦的娛樂公司M8,據知連Shirley一面都未見過,故大家對個唱能否順利舉行的信心開始動搖,關於個唱隨時難產,M8負責人戴榮添說:「我㳜都好睇重呢個騷,但可能Shirley好忙,咁耐都冇見過佢,Vigo話佢都未Ready,等佢Ready先再約出見面,依家都未Confirm(決定)開唔開得成,我都係等佢回覆。我㳜好欣賞Shirley,佢咁有實力,又多Fans,有好多人想睇佢簕演出。」對於有傳指關淑怡行為飄忽,令重生個唱難產,丘亞葵說:「佢冇問題,尋日仲好緊張問我開騷個期,係我㳜同M8未度好個期!如果趕唔切四月開,可能會効暑假開,總之Shirley出年係會開騷。」