Sunday, August 25, 2002

關淑怡謀復出陳少寶潑冷水 24.08.2002

[東方日報]

關淑怡(Shirley)自年初跟BMG解約後,一直繼續她養尊處優的生活,但據聞關小姐最近再度靜極思動,密謀再戰江湖,跟她的娘家環球高層秘密斟了幾個月,謀求返娘家再度復出。本報記者致電環球高層陳少寶查證時,卻遭到冷言回應:「我只係飲過咖啡,係咪對方藉故放料咋!」

去年,Shirley以一千萬元高薪加盟BMG復出歌壇,簽約兩年半,由於久休五年再度復出,Shirley起初的聲勢相當凌厲,唱片公司相當本力谷宣傳,但可惜有頭威,冇尾陣,只是在十二月推出過一張國語碟《冰火》後,便不了了之,雙方意見不合下,今年初跟BMG和平解約。

對音樂仍有期望
據悉,關淑怡雖然一直十分低調,亦甚少露面,但她對音樂的熱誠卻從未降溫,仍然對音樂抱很大期望,從未間斷的留意及製作音樂,縱使她與BMG關係「爛尾」,亦未為她留下很大創傷,「療傷」了大半年,最近有意再展拳腳,本報記者從她身邊好友獲悉,Shirley在近幾個月跟環球高層過從甚密,密謀再次復出的事宜,而且已到達「埋牙」階段,由於Shirley是樂壇難得之材,她身邊的朋友都為她能再次站起來而替她鼓舞,殊不知這卻換來陳少寶冷言對待。

只認有飲咖啡傾偈

記者聯絡上正在日本公幹的環球香港區總裁陳少寶,他承認的確有接觸過關小姐,但強調只是飲下咖啡而已,他說:「我係有接觸過,但只係一齊飲咖啡,傾偈……」並哦哦地說:「會唔會佢誤會呀?唔知係咪對方藉故放料咋!」

記者問到他有否考慮簽她?陳少寶坦白說:「暫時冇乜意思!」問他是否怕時機未成熟不想公開?他答道:「唔會,就算係,都冇乜損失,又唔會有其他人搶!」

Tuesday, August 20, 2002

關淑怡半夜急Call話撞鬼 19.08.2002

[蘋果日報]

張學潤(Nelson)最近投身作家行列,出書大講自己撞鬼經歷,重大爆圈中其他藝人遇過鬼怪事。Nelson話同好友湯寶如出埠,最容易遇到鬼怪,佢話:「唔知係咪同湯記一齊磁場特別犀利,成日都一齊見,好似我有次撞車,湯記好似有心靈感應咁,成晚床度輾轉反側,直至我四點幾打電話畀佢,佢先至話唔怪得梗係覺得有。」

電視機作怪

Nelson新書度亦提及好友關淑怡(Shirley)一個搞笑撞鬼經歷,佢話:「舊年有一晚,Shirley半夜打電話畀我,話屋企有鬼叫我即刻去,我見咁夜就同佢講去都冇用啦,我又唔識捉鬼,點知佢又話要搵師傅,我惟有叫佢匿入房。到第二日朝早,佢打畀我話原來係電視機壞,所以見到有鬼影。」

對於關淑怡一直被傳撞邪,Nelson力撐好友話:「佢從來冇撞邪,我見鬼多過佢,至於佢一個人酒店飲咖啡,呢係佢性格,佢鍾意自己一個人思考諗,我有問過佢,佢話有時約朋友唔得閒咪自己一個。」