Thursday, April 29, 2004

三歲小男孩曝光關淑怡零舍緊張 28.04.2004

[東方日報]

歌手關淑怡近年甚少在公開場合露面,今年曾傳出搞復出演唱會,而○二年時曾傳過她懷孕消息,但一直未有證實,日前有消息指關淑怡與一名約三歲男孩在跑馬地寓所出現,並與男孩四圍去,表現親暱,而這名男孩更由關淑怡媽咪親自照顧,關淑怡對男孩的曝光十分緊張,令人揣測他們的關係。



關淑怡帶神秘男童歎茶
[蘋果日報]

關淑怡自○二年再退出樂壇後,已甚少公開露面,日前卻有周刊拍下她與一名年約三歲的男童於跑馬地逛街及歎下午茶的照片。由於年前曾有傳關淑怡未婚產子,故該位男童的身份,確實耐人尋味。

同坐一張

報道指關淑怡於上周四與母親及一名男童,於跑馬地一間茶餐廳歎茶,關淑怡與男童還同坐一張,表現親暱,其間她亦煙癮甚大,不時要坐開煲煙,以免小朋友吸二手煙。

不過,當關淑怡發現有記者後,即母親先帶男童離去,她獨個兒留在茶餐廳近四小時才離去。

關淑怡入行至今曾先後與周文健、鄭中基、林國斌及創作人Dick Lee傳緋聞,近年她與曾志偉的一段緋聞亦甚囂塵上。

Saturday, April 24, 2004

曾志偉關淑怡酒店談心 23.04.2004

[忽然1周#456]

同志偉關係千絲萬縷,唔只楊受成,仲有佢身邊紅顏知己。

媽咪姐知道志偉份人好樂於助人,尤其係感情受創靚女明星,好似藍潔瑛同關淑怡,志偉不但疏財幫佢解決生活困難,仲會成日抽時間同佢做心理輔導,傾偈咁!

12號黃昏6點,曾志偉同Shirley(關之洋名)銅鑼灣怡東酒店coffee shop談心,當日佢得好casual,關淑怡剪個短髮,一身黑衫,望落去好cool,佢坐個角位好隱蔽,如果唔係去所,基本上都發現唔到佢。

二五話志偉當時好relax咁「挨」椅背,一邊滔滔不絕一邊指手劃腳,而Shirley就眼定定咁望住志偉講!兩人傾個半鐘都唔捨得走。

近年無所事事經常怡東打躉Shirley,就算一個人度嘆茶煲電粥都可以消磨成個晏畫,依家難得有對手,傾粒半鐘,濕濕碎啦!