Friday, July 22, 2005

關淑怡明年開個唱成數高 21.07.2005

[太陽報]

關淑怡明年開個唱成數高

諸事姐尋日睇到有報道話退隱多年的關淑怡(Shirley)畀Music Nation的李進打動,會在明年二月底紅館舉行三場演唱會。諸事姐即刻打電話畀Music Nation高層黎智傑求證,佢話:「雖然依家同關小姐仍然磋商階段,一切未落實,但機會好大。」佢仲話已經為關小姐作出部署,雖然外界成日覺得Shirley個人好情緒化,但黎智傑就力撐Shirley,話佢只係性格慢熱。

而李國祥就話,雖然同Shirley唔熟,不過好期望佢復出,而李國祥新碟仲翻唱Shirley的作品《一首獨唱的歌》。



李國祥期待關淑怡復出
[成報]

李國祥考慮開個唱

李國祥昨日接受商台《叱咤樂壇》訪問,他表示新碟由本月中延至下月中推出,因為後期製作未完成,新歌《一首獨唱的歌》正在派台。近日有報道指關淑怡復出開演唱會,他表示與關淑怡不熟,但非常期待演唱會,像上次對方的拉闊音樂會,他買飛也很辛苦;另外,草蜢10月的演唱會,他已託好友劉小慧代為訂飛。

李國祥自言會認真考慮開個唱,但未決定何時舉行,形式上希望只以一個鋼琴伴奏,問到為何不用管弦樂團?他說:「已經有好多人做過,而且張學友佢]做得好好,我無可能好過佢]。」

No comments: