【明報專訊】關淑怡前晚投入演出《勁歌金曲》錄影，全晚更換了三個造型獻唱，除了碎花長Tube Dress，又以Tube Top配以不同外套，若隱若現騷身材，令表演猶如變成她的迷你演唱會。關淑怡完騷後仍然風騷，還熱情地擁抱監製潘裕佳返後台，當一眾記者上前拍照時，嚇得監製即時彈開，關淑怡此時笑笑口打圓場說：「好彩我識監製的老婆。」一語堵截緋聞。
張敬軒誓籌20萬賑災先向Kenny埋手
[蘋果日報]
劉德華、關淑怡（Shirley）、張敬軒、陳柏宇、台灣組合蘇打綠及台灣新人王若琳，噚晚到將軍澳電視廣播城錄影《勁歌金曲》，開場時，首先由華仔帶領唱《中國人》，呼籲大家幫忙救助四川大地震災民。
攬已婚監製
當 晚Shirley先後換三套衫，包括有tube top同埋露肩裙，錄影完之後，Shirley表現好風騷，攬住《勁歌》監製潘裕佳，記者立即上前影相，潘裕佳笑住咁話：「聽日又寫我乜呀！」 Shirley話：「好彩我識得佢老婆。」至於被彈冇禮貌王若琳坐度唱《迷宮》時候，竟然將其中一隻鞋用腳趾吊住fing fing去，表現真係好冇禮貌，佢唱歌時候更加係口震兼失準。
講到四川地震，張敬軒話會同屋企人一齊捐錢，佢合共會捐5位數字，另外有一位阿姨好有心，已經交10萬蚊現金畀軒仔，叫佢捐畀有關單位，軒仔話：「為安全起見，我要攬住錢先至得。」
張 敬軒希望盡能力籌到20萬，佢話：「我仲會向身邊朋友埋手，即使係緋聞男、女朋友都走唔甩。」若果有善長要求軒仔同緋聞男、女朋友，包括關智斌 （Kenny）同王菀之表演，唔知佢會唔會介意呢？軒仔話：「我自己就冇所謂，但係涉及其他公司我就唔敢主意。」此外，軒仔已經同身在四川大姨媽、四姨媽 聯絡，佢都平安返到屋企。
No comments:
Post a Comment