講開呢晚關淑怡，原來除阻碇之外，仲連累劉華（劉德華）俾記者逼供。
話說當晚係劉華爆出馬來西亞以姐夫身份，出席朱麗倩細妹婚禮一事首次曝光，大家奇怪，經驗豐富劉華點解會避唔甩記者，局住回答敏感話題？事後媽咪姐聽工作人員講，其實劉華已經醒目，一到就匿入化妝間VIP房，點都唔肯出。點知，關淑怡帶住助手、髮型、化妝等成村人忽然殺入VIP房，話要「share」間房喎！劉華又唔可以say no，但同關淑怡又冇乜兩句，場面鬼咁尷尬。於是劉華成日走出VIP房氣，終於有一次俾記者捉到正，局住要答有關朱麗倩問題。
記者叫關淑怡同劉華影相，佢忽然匿劉華後邊，搞到劉華好鬼尷尬。搞一大輪，佢先肯企定定合照。真係辛苦晒——劉華。
劉華今鋪真係多得關淑怡唔少。
關淑怡神化阻碇
[忽然1周#669]
關淑怡近年好似與世隔絕咁，近排出番之後，行徑表現怪怪又酷到死，講係咁講，其實只要佢唔影響到其他人，媽咪姐都唔介意佢有「個人風格」！
關淑怡千揀萬揀，揀正錄影廠門口影相，搞到其他藝人好鬼尷尬。呢個阿姐款真係擺到十足十。
不過，上周三（14日）《勁歌金曲》錄影，又真係忍唔住要話關淑怡神化兼阻碇，後台有記者要求佢同劉德華影合照，但佢第一時間唔係企定，而係無厘頭匿華仔身後縮埋，唔通真係當人睇佢唔到？
後來記者又請佢影單人相，關淑怡偏偏要企正其他藝人必經之路——錄影廠門口，搞到張敬軒、胡蓓蔚同司儀崔建邦出入鬼咁尷尬。為避免入鏡左閃又避，其中張敬軒仲騎呢到黐住牆咁行，真係難為佢！
最奇怪係一直阻住條路關淑怡，可以當若無其事，照樣企定定影相，加埋佢件膊位超闊白色褸，更加「阻碇」啦，一絕！
崔建邦遮面
胡蓓蔚尷尬
張敬軒黐牆
No comments:
Post a Comment