曹格和側田醉酒街頭格鬥曝光後，側田連日未有公開露面交代事件，直至昨晚他終於在林敏驄的音樂會現身。側田在台上談笑風生，笑言自己重要部位冇事。而林敏驄前晚在騷上大講曹、側格鬥事件，還扯嘉賓陳奕迅（ Eason）落水，取笑側田被打傷下體「蛋蛋」，要與只剩一蛋的 Eason二合為一才是完整男人。
向以兄弟相稱的曹格和側田日前因醉酒而當街打架，事件曝光後曹格即由北京來港開記者會道歉，側田卻一直未有現身解畫，直至昨晚他才正式出現於九展的林敏驄音樂會，擔任演出嘉賓。原本側田昨午要到場綵排，但為避傳媒而取消。
側田出場前林敏驄依舊揶揄他，笑稱現在戴帽最重要是打架不會甩掉。身穿黑西裝戴黑冷帽的側田，在台上談笑風生，並直說：「我重要部位冇事。」他唱完歌後離開，到停車場時說：「多謝大家關心。」之後就沒有多談，但側田坐的保母車開車時輕微撞到一位電視台攝影師，幸沒有受傷，但攝影機受損。
林敏驄前晚首場音樂會就以曹、側格鬥事件大搞氣氛，令觀眾捧腹大笑，開場時尚有觀眾未入座，林敏驄便說：「啲人去錯紅館，但家嚟緊，我都想去紅館，但個台太大，我怕上去以為係擂台打交。」
當林敏驄戴上閃帽出場時又笑說：「呢頂帽靚唔靚？我問側田借，佢話打交都唔甩。佢話今晚唔嚟，因為俾人踢傷下體要去攞醫生紙，佢話好傷，好似 Eason咁傷，我咪問佢乜唱歌要用下體咩？」
早年在台灣下體受傷被傳只剩一蛋的 Eason，前晚也有擔任嘉賓，林敏驄笑說：「側田同你一樣冇咗一半，你哋兩個一齊出嚟先係完整男人，但係又多咗啲嘢。」 Eason被玩只笑笑口回應：「咁下次一齊出嚟睇吓點。」
另外，早前被本報踢爆十多年前於賭城結婚的關淑怡也有份演出，林敏驄問她是否曾在賭城簽字，她起初還詐儍說：「你想娶我？點解咁講？」林敏驄聞言回敬：「要我啃你？不過你一向好神秘，冇人知你老公係邊個。」關淑怡一臉認真說：「我唔需要解釋，點解要解釋？」另一嘉賓胡琳身穿 tube dress演出，但裙子慢慢滑下，她慌忙出手按住。
雷頌德：好㷫曹格
此外，雷頌德昨日現身電視城，他透露出事後大罵側田：「我鬧得佢好甘，我好㷫曹格，諗唔到佢動作咁狠。」側田向他聲稱以後不會在夜店飲酒，但曹格不打算戒酒，雷頌德說：「唔好搞出人命先戒。」
關淑怡被本報踢爆入行前在賭城結婚，前晚她表示毋須解釋，似默認一切。
No comments:
Post a Comment