Sunday, January 6, 2013

關淑怡《春光乍洩》真失蹤 05.01.2013

王家衛套《一代宗師》由構思到上畫,跨越兩個世紀,俾網民笑話係《一代失蹤》,但大家知唔知喺王家衛咁多齣電影入面,真真正正「一代失蹤」嘅其實係關淑怡(Shirley)呀!



當年王家衛拍《春光乍洩》,成隊crew浩浩蕩蕩拉隊去阿根廷布宜諾斯艾利斯度拍,幾有拉丁情調呀。咁套戲除咗有張國榮同梁朝偉之外,原本仲有
Shirley做女主角嘅,佢扮演偉仔嘅另一半,有錫面同擁抱場面㗎。點知套戲97年喺康城參展嗰陣,大導演居然將Shirley嘅鏡頭全部剪晒,因為唔
啱feel喎!最搞笑套戲冇女主角,王家衛仲諗住搵偉仔同哥哥角逐康城最佳女主角,因為佢哋係一對「戀人」喎。王家衛係大導演,cut邊個戲份當然話晒事
啦,所以Shirley都冇符。雖則係咁,王家衛後嚟推出《春光乍洩》紀念DVD,都收錄咗Shirley被刪剪嘅戲份,算係還佢一個公道啦,而
Shirley喺08年開演唱會,都有將片段重播,攞番個尾彩。世事就係咁蹺,家陣《一代宗師》終於出啦,Shirley亦都浮番上水面啦。



佢下月會喺紅館開騷,唔知到時會唔會又播番《春光乍洩》嘅珍貴片段呢?






97年1月17日關淑怡同梁朝偉、張震喺台灣出席記招。

No comments: