[東方日報]
關淑怡（Shirley）又有是非！有指她扭計唔做六月part2演唱會，張耀榮白蝕五十幾萬場租，大呻被Shirley玩死，惟Shirley堅稱從沒應承六月開騷並呼冤：「咪擺我上檯！」雙方各執一詞，今勻真係審死官！
早前Shirley紅館三場演唱會，雖門票銷售不理想，但觀眾反應熱烈，Music Nation負責人李進和張耀榮即密斟開part2，張生更將六月紅館汪明荃的檔期，轉名讓給Shirley；怎知昨日有雜誌指Shirley獅子開大口，要求歌酬由四十萬加至六十萬，結果令part2難產云云。
「歌星冇人情味」
張耀榮接受電話訪問時表示：「依家唔開，原因問李進，佢前兩日同我講話延遲，但遲到幾時唔知，問佢原因又哦哦。（係咪歌酬傾唔成？）我只負責投資製作，歌酬李進話事。」今次張生白蝕五十多萬場租，他大呻：「搞演唱會有乜用，畀歌星玩死你。（有冇同Shirley直接傾？）冇，當初李進話OK做part2，其實上次都蝕錢，做part2可以賺番多少，貼番之前條數，歌星抵諗應該幫人開，依家歌星冇人情味。（場租點算？）冇人賠，個天跌落賠畀我咩！依家仲未諗到搵邊個歌手頂期。」
然而，Shirley接受訪問時，卻說出另一版本：「成件事我一直冇同張生直接傾過，我無應承過六月做，我做事作風，一日唔成事，都唔會講出，自己絕對唔係應承唔做人，過去人將我事歪曲講，已經食好多死貓，今次係我最後一次澄清。」
李進公司證冇扭計
Shirley解釋：「一開始講做part2，我同李進都覺得六月個期唔OK，因為撞世界杯，完全冇講歌酬，咪擺我上，成件事希望對我公平、中肯。（李進同張生有冇協議？）我唔知道，我只係歌手負責唱歌，好多唔係我直接傾，自己唔係一個咁無分寸人。」而MusicNation市場及藝人管理主管陳先生則說：「一早話六月撞世界杯，唔係good timing開騷，連日子都未定，點會傾歌酬，Shirley絕對冇扭計，唔關佢事。」
堅稱冇傾過6月做PartII 關淑怡開天索價玩死耀榮
[太陽報]
久休復出的關淑怡（Shirley）自今年二月舉行三場演唱會後，因口碑不俗，主辦單位計劃於六月加開Part II。不過，最近有傳Shirley獅子開大口，歌酬由四十萬加至六十萬，嚇怕張耀榮，他直斥：「畀刋歌手玩死！」但Shirley則大嘆無辜：「覺得自己食冲隻死貓！」
關淑怡今年二月舉行的演唱會售票情況未如理想，叫好不叫座，不過有份與Music Nation合作的主辦人張耀榮，為替Shirley挽回口碑，讓出六月原本屬於汪明荃的演唱會檔期，即使冒虧蝕之險仍為她舉行Part II。
自覺又食死貓
不過，最近有傳行徑飄忽的Shirley出爾反爾、坐地起價，歌酬由原本的四十萬加至六十萬，嚇怕張耀榮。記者就此事致電Shirley求證，她說：「希望對我中肯刋，我唔出聲唔代表係事實，根本冇咁簕事！好多卄都係無中生有，成件事一路都冇直接同張生傾過，我絕對唔會應承冲但又唔去做。過去刋人將我簕事歪曲冲講，呢次係我最後一次澄清，覺得自己又食冲隻死貓，可能因為我係公眾人物，矛頭梗係指住我啦！」對於被指坐地起價，Shirley繼續否認，並有感被擺上，她說：「咁寫就係擺我上啦！（李進同張生有冇協議過開演唱會？）我唔知，基本上好多卄我冇直接傾，我只係一個歌手，總之我唔係一個咁冇分寸同冇『搭霎』簕人，清者自清。」
蝕五十萬冇人賠
至於張耀榮則承認計劃為Shirley開Part II演唱會，但至今突然泡湯，他無奈地說：「李進都係前兩日先通知我，問佢都係剗剗哦哦，依家都開唔成。你㳜問李進啦！歌酬簕事唔係我去傾，我只係負責投資製作。」
據知，為了演唱會的綵排及演出，紅館方面早已騰出十日檔期，如今計劃擱置，預計蝕逾五十萬元。問到賠償問題，張耀榮無奈中亦帶抱怨：「賠？冇人賠喎！等個天跌落囉！當初李進應承，但依家講乜都冇用啦！畀刋歌手玩死！其實開Part II都係諗住幫佢搞番起個勢，其實Part I都要蝕錢，但我都冇計，大家合作得開心咪得囉！開Part II都係博，諗住可以拉上補下。依家刋歌手都冇晒人情味，又開又唔開，如果抵諗刋就應該幫人開啦！」
不與世界杯對撼
Music Nation市場及藝人管理主管陳先生則回應說：「其實Day One開始傾都冇預過六月做，因為世界杯關係，所以六月唔係Good Timing，唔知點解出冲！」問到外間指Shirley扭計坐地起價，他表示Part II演唱會只在研究中，一切尚未傾妥，Shirley亦沒有扭計，完全與她無關。
No comments:
Post a Comment