關淑怡（Shirley）噚晚喺文化中心音樂廳演出，今次Shirley係應二胡大師王憓邀請擔任音樂會嘉賓，完騷後，Shirley指今次合作令佢對二胡加深認識，可以作為將來演唱會元素之一，現時傾緊演唱會，但要視乎自己身體狀態，因為上次做潘源良嘉賓時身體好唔舒服。
問到佢係咪好驚傳媒？佢表示：「我驚你個頭，係搞氣氛。」講到對腳太油而繞唔到腳，佢話：「我講好多嘢唔使計數，我係重幽默感，好多笑話，唔好得罪我，我冰島有男友。」追問係唔係屬實，真係有男友，佢指可以畀個名大家去冰島搵下。
對於出場時，把聲時大時細，佢解釋係耳機影響自己音量大細，之後除咗耳機就無問題，感覺亦舒服好多，演出大家有目共睹，問到仔仔係咪有興趣學二胡，佢稱台下唔講仔仔的事，不過若果要學二胡，自己一定要先買耳塞，佢講：「試想有個小朋友喺屋企拉二胡同小提琴時，你會知係咩感受！」
No comments:
Post a Comment