[頭條日報]
自從約滿離開「星娛樂」之後，關淑怡(Shirley)再度回復自由人身份，這位去年被揭於85年秘密在賭城結婚的性格歌手無你咁好氣，得閒去名店Shopping又或到祈願大法會唱〈心經〉弘揚佛法，單親媽媽的生活不知幾優哉悠哉，不過，一向估佢唔到的Shirley日前再獻新猶，一身型女打扮的她獨自到IFC Shopping，心儀Hand Cream 盛惠135元，唔想碌卡的Shirley竟然山長水遠由IFC行十幾分鐘到港鐵站櫃員機錢，然後再返回店舖畀錢，其所思所想確實令人難明。
去年被揭早於24年前與一名葉姓男子在賭城結婚的關淑怡，事後就匿埋結婚一事始終未有公開回應，這位性格歌手一直按心情辦事，就算唱片公司老細都依然夠薑唔賣帳，被踢爆結婚唔回應早屬意料之內。
為135元行到氣咳
日前下午，一身黑色型爆打扮的關淑怡單拖到IFC Shopping，只見她急急腳走入護膚品店舖L'OCCITANE內四圍望，原來她在尋找潤手膏，試搽唔夠十秒鐘，Shirley即跟隨店員到收銀處俾錢，怪事就開始發生，可能關小姐無信用卡在身，又或者135元的小數目唔想碌卡，Shirley竟情願由IFC行十幾分鐘到港鐵站櫃員機錢，期間上上落落左穿右插行到氣咳，然後再返回店舖俾錢，其古怪行徑實在非常詭異。
No comments:
Post a Comment