關淑怡強調志偉係佢世叔伯，希望大家放過佢，仔仔老豆另有其人喎！
上個禮拜二512四川大地震一周年，無綫搞咗個特備節目《TVB512再展關懷》向災民送暖。
當晚嘉賓陣容分別有陳奕迅、楊千嬅、譚詠麟、李克勤等，不過全場焦點，始終係緋聞情人曾志偉、關淑怡。
投懷
關淑怡採取主動，埋去攬實「世叔伯」志偉，之後兩個傾到唔知時間過，要工作人員提示上台做closing。
聯同Stephy、Juno合唱《憑着愛》嘅薛凱琪（左），叫工作人員舉大字報「提水」，但係佢嘅獨門拼音唔係人人睇得明，例如第一行「人生2再沒Foo」，即係「人生已再沒苦惱」，高高低低就譯做「GoDai」。
經常high爆嘅陳奕迅，彩排時同苗僑偉玩到癲晒，之後又無端端拖住N年前緋聞女友楊千嬅。近排已經傳同謝安琪「相逢恨晚」，Eason係咪想測試老婆嘅忍耐力呢？
疑似關淑怡仔仔生父嘅志偉，當晚負責做司儀，同專登嚟唱歌為災民打氣嘅關淑怡，其實本來無機會埋身接觸，趁阿倫同克勤上台唱歌，關淑怡主動埋去同企响一邊休息嘅志偉攬吓打招呼，非常大方。
擺明清白，攬吓俾記者影無所謂，關淑怡仲出口術，兜個圈話志偉老。「志偉係我世叔伯，我個仔未見過佢，阿倫、克勤就見過。」照關淑怡咁講，計落佢個仔有機會見志偉，應該要嗌對方公公。
撰文︰八珍
No comments:
Post a Comment