Saturday, May 2, 2009

關淑怡笑談經手人 30.04.2009

[壹周刊#999]

有關於關淑怡七歲大仔仔關浚賢生父誰屬?最近再次成為話題,無頭公案,曾志偉唯有繼續成為嫌疑「經手人」。

上個禮拜五(廿四日),關淑怡現身手錶活動,盛裝打扮又保持笑容,睇嚟心情唔錯,但大會工作人員就無佢咁輕鬆,一早吩咐記者唔好發問私人問題。


俾記者追問仔仔生父身份,著住五吋高踭鞋嘅關淑怡依然保持笑容,只係工作人員急於帶佢走。

面對記者,關淑怡淡淡定,影相期間,有人趁混亂追問曾志偉係咪賢仔生父,佢都冇黑面,仲面帶笑容話:「冇可能,冇可能。」之後就由工作人員帶走。

其實賢仔生父身份,除咗曾志偉,名嘴、商人甚至喇嘛都上榜,今次關淑怡講明唔關志偉事,不過呢個「老豆」都好難甩身,點解?佢最多人識囉!

No comments: